Eliminimi dramatik i Atleticos nga Liga e Kampionëve – gjyqtari akordoi penallti pasi fillimisht mbylli ndeshjen

Kishte skena jashtëzakonisht dramatike në fund të ndeshjes së Atletico Madrid në Ligën e Kampionëve me Bayer Leverkusenin, pasi Yannick Carrasco humbi një penallti të vonshme për të dështuar mbajtjen e spanjollëve në garë.

Me Porton që arriti një fitore të madhe 4-0 ndaj liderëve të grupit, Club Brugge, Atleticos i duhej të mposhtte Leverkusenin për të mbetur në kërkim për vendin e dytë në grupin e tyre.

Skuadra e Diego Simeone mbeti prapa në golin e hershëm të Moussa Diaby, por barazoi me belgun Carrasco në mes të pjesës së parë.

I huazuari i Chelseat, Callum Hudson-Odoi, më pas riktheu epërsinë për Leverkusen, duke shkuar në pushim me epërsi.

Atletico barazoi për herë të dytë menjëherë pas fillimit të pjesës së dytë me argjentinasin Rodrigo De Paul, për të besuar rikthimin në te fitorja.

Por pavarësisht se ushtroi presion të madh mbi Leverkusenin në pjesën e dytë, Atleticos dukej se i mbaroi koha – me gjyqtarin Clement Turpin që vërshëlleu fundin e lojës.

Megjithatë, drama nuk kishte mbaruar, me VAR-in që e udhëzoi Turpin të rishikonte një vendim për lojë me dorë që ai nuk e kishte parë në momentet e mbylljes së ndeshjes.

Lexoni edhe:

Në institucione janë sistemuar dhe po qëndrojnë të fshehur 720 spiun të trajnuar para shtetit të Serbisë

Pas konsultimit me monitorin e fushës, gjyqtari francez vendosi të anulojë vendimin e tij për mbylljen e ndeshjes dhe t’i japë Atletico një penallti, me rifillimin e ndeshjes pavarësisht protestave nga Leverkusen.

Por, Atletico nuk ishte në gjendje të përfitonte nga fati i tyre.

Carrasco kishte mundësinë të bëhej heroi i Los Colchoneros, por pa penalltinë e tij të pritur nga portieri i Leverkusenit, Lukas Hradecky.

Topi u kthye te Saul Niguez, i cili më pas goditi traversën me një goditje me kokë.

Çuditërisht, topi u kthye përsëri në lojë, por gjuajtja e Reinildo Mandavas u ndal nga një mbrojtës i Leverkusenit dhe u largua për një këndore, e cila edhe ashtu nuk i ndihmoi vendasit pasi ndeshja u mbyll baras 2-2.

Rezultati do të thotë se Atletico është tani katër pikë larg Portos së vendit të dytë dhe pese pikë larg Brugge, me të dy klubet që siguruan kualifikimin.

Atletico tani është në një betejë për vendin e tretë me Leverkusen, i cili është vetëm një pikë prapa ekipit spanjoll me një ndeshje të mbetur.

Los Colchoneros udhëtojnë për t’u përballur me Porton më 1 nëntor, ndërsa Leverkusen pret Brugge po atë natë.

(Kosova Sot Online )