Kjo është gjendja e Pele-s pas shtrimit në spital

Gjendja e futbollistit brazilian, Pele është e qëndrueshme në spital, pavarësisht raporteve të mëparshme që sugjeronin se ai ishte transferuar në kujdesin paliativ.

Pele u shtrua në spitalin Albert Einstein në Sao Paulo të martën për të rivlerësuar trajtimin e tij të kimioterapisë për kancerin e zorrës së trashë.

Raportet nga Brazili të premten pohuan se Pele ishte transferuar në kujdesin paliativ dhe po trajtohej vetëm për simptoma të tilla si dhimbje dhe gulçim.

Megjithatë, spitali Albert Einstein ka deklaruar se ikona e Brazilit po i përgjigjet mirë trajtimit për një infeksion respirator i cili u diagnostikua të premten dhe gjendja e tij shëndetësore nuk është përkeqësuar gjatë 24 orëve të fundit.

Deklarata e spitalit u postua në llogarinë zyrtare të Peles në Instagram me një mesazh ku thuhej: "Dua t'i mbaj të gjithë të qetë dhe pozitivë, transmeton gazeta “Kosova Sot Online”. Jam i fortë, me shumë shpresë dhe ndjek trajtimin tim si zakonisht.

Dua të falënderoj të gjithë ekipin mjekësor dhe infermieror për të gjithë kujdesin që kam marrë. Unë kam shumë besim te Zoti dhe çdo mesazh dashurie që marr nga ju në të gjithë botën më mban plot energji. Dhe shikoni Brazilin edhe në Kupën e Botës”.

Pele fitoi Kupën e Botës për Brazilin në tre raste në 1958, 1962 dhe 1970 dhe është ende golashënuesi më i mirë i të gjitha kohërave i Brazilit pasi ka shënuar 77 gola në 92 ndeshje.

(Kosova Sot Online)