Lexoni edhe:
Hajnat të kapen dhe të futen në burg, të mos lëshohen të ikin sepse nuk kanë besë dhe nuk mbajnë fjalën
I biri i Peles qëndron pranë babait në spital, hoqi dorë nga klubi
Raportohet se gjendja shëndetësore e Peles sa vjen e po keqësohet, ndërsa familja e tij është bërë bashkë në spitalin e Sao Paolos për t’u lutur për legjendën e futbollit. I biri i tij, Edinho, ka hequr dorë nga klubi që do ta merrte në dorë, Londrina nga divizioni i dytë i futbollit brazilian, për t’i qëndruar afër tri herë kampionit të botës, transmeton "Kosova Sot Online".
Pele është shtruar në spitalin “Albert Einstein Hospital” që nga 29 nëntori për shkak të komplikimeve që iu shfaqën nga kanceri në zorrë, nga i cili është duke vuajtur.
Familja e tij është mbledhur në këtë spital me rastin e Krishtlindjeve, ndërsa e ka falënderuar stafin mjekësor që po bën gjithçka për t’u përkujdesur për Pelen.
82 vjeçari gjithashtu vuan nga problemet në zemër dhe gjendja e tij shëndetësore është në përkeqësim dhe serioze. Krejt bota e futbollit po lutet për mbretin e futbollit – Pele.
(Kosova Sot Online )
