Kush ishte Pele!

Bota e futbollit në zi. Legjenda braziliane e futbollit, Pele ka vdekur sot. Ai vdiq në moshën 82-vjeçare.

Pele konsiderohej si njëri prej futbollistëve më të mirë në histori të futbollit, ndërsa fitoi tri herë Kupën e Botës me Brazilin.

Pele kishte bërë debutimin e tij për klubin Santos në moshën 15-vjeçare, duke shënuar në një fitore 7-1 ndaj Corinthians de Santo Andre.

Ishte i pari nga 643 golat që ai do të shënonte për klubin në garat zyrtare gjatë 19 viteve, megjithëse Santos pretendon se totali është më shumë se 1000, pasi të merren parasysh ndeshjet miqësore, shpesh kundër kundërshtarëve evropian të profilit të lartë.

Konfederata Braziliane e Futbollit dhe Santos thonë se Pele shënoi 1,283 gola në 1,367 ndeshje, ndërsa FIFA pretendon se ishte 1,281 gola në 1,366 ndeshje.

Në Kupën e Botës 1962, Pele, atëherë 21 vjeç, shënoi një gol të shkëlqyer individual në një fitore 2-0 ndaj Meksikës për të hapur fushatën e tyre, por u dëmtua në ndeshjen tjetër dhe e pa nga tribunat teksa ekipi i tij mbronte titullin.

Pjesa e fundit e trilogjisë së tij të fitoreve të Kupës së Botës ishte më ikonike. Pasi u përjashtua nga turneu i vitit 1966 në Angli, ai ishte pikëmbështetja e një skuadre sulmuese emocionuese që fitoi titullin në vitin 1970, duke shënuar golin e hapjes në një fitore 4-1 ndaj Italisë në finale.

Nga lotët e tij të gëzueshëm në gjoksin e shokut të skuadrës Nilton Santos e deri te përqafimi i tij me kapitenin e Anglisë, Bobby Moore, momentet magjike të Pele kanë kaluar epoka dhe kanë përcaktuar historinë e sportit.

Ai e përfundoi karrierën e tij në klub si pjesë e një skuadre të mbushur me yje të New York Cosmos, duke luajtur së bashku me legjendën gjermane Franz Beckenbauer dhe fituesin e Kupës së Botës 1970 Carlos Alberto.

“Në muzikë është Beethoven dhe pjesa tjetër. Në futboll është Pele dhe pjesa tjetër,” tha ai në vitin 2000.

(Kosova Sot Online)