Ambasadorët e huaj për Ibrahim Rugovën: Qasja paqësore e tij e nevojshme këto ditë

Në 17 vjetorin e vdekjes së ish-presidentit të Kosovës, Ibrahim Rugova, shefi i BE-së dhe ambasadorë vendosën kurora lulesh te varri i tij për të nderuar trashëgiminë e tij. Bashkimi Europian në Kosovë përmes një postimi tha se ish-presidenti Rugova do të mbahet mend si promovues i paqes në arritjen e qëllimeve politike.

“Dr. Ibrahim Rugova do të mbahet mend gjithmonë si promotor i qasjes paqësore dhe jo të dhunshme për arritjen e qëllimeve politike, e cila është shumë e nevojshme këto ditë. Trashëgimia e tij jeton. U prehtë në paqe”.

Lexoni edhe:

Rezidenca e Presidentit Rugova në përkujdesje institucionale, shpallet tender prej 100 mijë euro për intervenime emergjente

Me delegacionin europian prezentë ishte edhe ambasadori amerikan, Jeff Hovenier, si dhe ai gjerman, Jorn Rohde. Për nder të kujtimit dhe trashëgimisë së tij, nën përkujdesjen e presidentes së Kosovës, Vjosa Osmani Sadriu, sot u organizua ceremonia e vendosjes së kurorave. Në homazhe mori pjesë edhe kryeministri i vendit Albin Kurti.  Ish-presidenti Ibahim Rugova ka ndërruar jetë më 21 janar të vitit 2006.

1 / 1

(Kosova Sot Online )