Lexoni edhe:
Robin Krasniqi rikthehet në ring më 25 shkurt
Rrahje masive në një ndeshje basketbolli
.Një rrahje masive është parë në një ndeshje të basketbollit, në ligën elitare të Tajvanit, ku po luanin ekipet Taoyuan Leopards dhe TaiwanBeer HeroBears në T1 League, përcjell "Kosova Sot Online".
Kur kishte mbetur edhe një minutë lojë, kapiteni i HeroBears, Chiang Yu-an e mori një goditje në fytyrë nga kundërshtari i Leopards, Chen Hsiao-jung, ndërsa prej aty filloi gjithçka.
Në parket u futën edhe zyrtarët dhe trajnerët e të dyja ekipeve, disa prej tyre për t’u përleshur e të tjerë për t’i qetësuar gjakrat. I pranishëm në këto skena të turpshme ishte edhe basketbollisti i dikurshëm i famshëm i NBA-së, Dwight Howard, i cili është pjesë e Taoyuan Leopards.
Ndeshja u shty për 20 minuta derisa referët t’i shihnin pamjet.
Në fund, 12 lojtarë u suspenduan, prej tyre pesë nga HeroBears dhe shtatë nga ekipi Leopards.
(Kosova Sot Online )
