Publikohet lista e ekipit të Zvicrës, me treshen shqiptare në Serbi “Helvetikët” kundër Bjellorusisë

Granit Xhaka, Xherdan Shaqiri dhe Andi Zeqiri do të jenë pjesë e Kombëtares së Zvicrës në duel me Bjellorusinë, i vlefshëm për kualifikimet e Euro 2024, i cili do të luhet në Serbi, shkruan "Kosova Sot Online ".

Selektori i “Helvetikëve”, Murat Yakin e ka publikuar sot listën e futbollistëve të ftuar për ndeshjet e marsit, ndërsa në mesin e tyre shihen edhe emrat e tre futbollistëve shqiptarë.

Zvicra do të luajë me Bjellorusinë në Novi Sad të Serbisë më 25 mars, zgjedhje kjo e bërë nga bjellorusët, të cilët nuk kanë të drejt të luajnë në territorin e tyre pasi janë në një linjë me Rusinë në luftën kundër Ukrainës.

Lexoni edhe:

Kryeministër Kurti ki mendjen, mos e ndrysho qëndrimin për Zajednicen!

Madje, eurodeputetët kanë kërkuar që Bjellorusia të përjashtohet krejt nga garat e UEFA-s dhe të FIFA-s.

Shaqiri e Xhaka janë mjaft të urryer nga serbët, të cilët i mposhtën në dy Botërorët e fundit, në Rusi dhe në Katar. Krahas Bjellorusisë, Zvicra, e cila bën pjesë në një grup me Kosovën, do të luajë edhe me Izraelin në Gjenevë më 28 mars. 

1 / 1

(Kosova Sot Online )