Andorra feston pas barazimit me Kosovën

29 March 2023 - 10:21

Kombëtarja e Andorrës nuk është mësuar të marrë pikë në ndeshje kualifikuese për Evropian ose Botëror. Por, Kombëtarja nga principata e vogël ia doli ta befasojë Kombëtaren e Kosovës, së cilës ia nxori një barazim 1:1 në ndeshjen e vlefshme për kualifikimet për Euro 2024, transmeton "Kosova Sot Online".

Dhe, kundërshtarët e “Dardanëve” e kanë festuar këtë arritje që e bënë në stadiumin “Fadil Vokrri” si të ishin kualifikuar në Kampionat Evropian.

Lexoni edhe:

Joshua tregon pse nuk është i emocionuar për luftën e Jermaine Franklin

Festë kishte edhe në Federatën e Futbollit të Andorrës, e cila e bëri një postim special dhe festiv në rrjetin social “Twitter”. “Mbyllet loja. Pika e parë në një natë historike. Këta lojtarë janë të mahnitshëm, na befasojnë çdo ditë e më shumë. Barazimi është për ju, fansa. Forca Andorra”, ka shkruar Federata e Andorrës. Kosova i lëshoi dy pikë të rëndësishme në një ndeshje për t’u harruar sa më shpejt, duke ia zbehur kështu vetes gjasat për ta siguruar kualifikimin historik në një Kampionat Evropian.