Lexoni edhe:
Arteta tregon arsyet pse Xhaka është në super formë këtë sezon
Nipi i Muhammad Ali mposht kundërshtarin me një nokaut të frikshëm
Biaggio Ali Walsh, nipi i Muhammad Ali, ka marrë edhe fitoren e tij të dytë në PFL teksa mposhti Isaiah Figueroa në Las Vegas, transmeton "Kosova Sot Online ".
Luftëtari 24 vjeçar bëri debutimin e tij në PFL nëntorin e kaluar pasi ndaloi në mënyrë mbresëlënëse Tom Graessar në vetëm 45 sekonda. Duke hyrë në SmartCage për herë të dytë, Walsh insistoi që në sekondat e parë kundër Figueroas.
Figueroa pothuajse u rrëzua nga një goditje me dorën e djathtë, por ai arriti të qëndrojë në këmbë. Nipi i i Ali lëndoi sërish Figueroan vetëm pak çaste më vonë me dorën e djathtë dhe arbitri Marc Smith ndërhyri për të shpëtuar kundërshtarin e tij nga çdo dëmtim i panevojshëm. Lexo po ashtuTetë përballje, asnjë humbje - pesë me nokaut: Nipi i pamposhtur i Muhammad Ali tani do të ketë testin e vërtetë. Walsh tha pas përleshjes: “Unë e fillova këtë luftë paksa i tensionuar, isha paksa nervoz duke u përleshur para bashkëvendasëve të mi, por sapo u qetësova, atëherë rregullova gjithçka. Unë do të luftoj përsëri, pastaj do të vazhdoj të luftoj derisa të jem gati të bëhem profesionist”. Walsh humbi debutimin e tij amator qershorin e kaluar pasi u mposht nga Devin Rothwell, por u rikthye në rrugët e fitores duke mposhtur Bradley Seaver në Crown Fighting Championship në Utah. Me tre fitore radhazi me nokaut nën rripin e tij, Walsh dëshiron të kthehet në kafaz sa më shpejt të jetë e mundur për të vazhduar ndërtimin e karrierës së tij. Walsh ishte një futbollist amerikan i shquar në kolegj, por hoqi dorë nga sporti për t’u futur në MMA. Biaggio është një nga dy fëmijët e Rasheda Ali, një nga vajzat (lindur më 1970) e Muhammad Ali. Vëllai i tij më i vogël Nico Walsh (22 vjeç) është një boksier profesionist. Ai është i pamposhtur në tetë meçe, me fitoren e tij të fundit që erdhi shkurtin e kaluar kundër Eduardo Ayala.
(Kosova Sot Online )
