Lexoni edhe:
Draft statuti i Asociacionit të Kosovës me shumicën e qytetarëve kosovarë të etnisë serbe, në dorë të ekipit të ekspertëve amerikan dhe evropian
Milot Rashica nuk largohet nga Turqia, dëshiron të qëndrojë te Galatasaray
Milot Rashica, i cili erdhi në formë huazimi në Galatasaray nga Norwich në ditët e fundit të merkatos së verës, arriti të fitojë në një kohë të shkurtër vlerësimin si nga klubi, ashtu edhe nga tifozët, transmeton "Kosova Sot Online ".
Futbollisti kosovar, i cili thuajse rilindi pas aventurës së tij në Angli, u bë njëri nga futbollistët e preferuar nga tifozët e Galatasarayt. Rashica duket shumë i kënaqur me Galatasarayn. Ai tha se dëshiron qëndrimin në klubin e madh turk.
“Jam shumë i lumtur këtu. Jemi të fokusuar në kampionat dhe dua të kontribuoj për ekipin tim në nivelin më të lartë. Prioriteti im është të qëndroj në Galatasaray. Nuk dua të vlerësoj ofertat e tjera për momentin”, tha 26-vjeçari për median turke, Fanatik.
Drejtuesit verdhekuq po tentojnë të blejnë kartonin e Rashicës pa pritur përfundimin e sezonit. Mësohet se shuma që duhet të paguajnë për shërbimet e yllit kosovar është rreth 5 milionë euro. Rashica ka gjashtë gola e pesë asistime në 26 paraqitje këtë edicion me Galatasarayn.
(Kosova Sot Online )
