Lexoni edhe:
Sjelljet destruktive të opozitës parlamentare në Kosovë kundër shtetit, në shërbim të Serbisë, nga lakmia e çmendur e marrjes së pushtetit
Galatasaray s’e ka blerë ende Rashicën, yllin kosovar e duan pesë klube të Bundesligës
Galatasaray nuk ka arritur ende marrëveshje me Norwich Cityn, përkundër raportimit të mediave turke. Sipas tyre, ylli kosovar do të përfundojë në Stamboll për një shumë prej 7,5 milionë eurosh, transmeton "Kosova Sot Online".
Mirëpo, mediat angleze mësojnë se palët nuk kanë rënë ende në ujdi dhe se vushtrriasi do të rikthehet në klubin anglez përkohësisht për t’i nisur përgatitjet për sezonin e ri.
Natyrisht, përfaqësuesi kosovar pritet të largohet nga “Carrow Road” gjatë verës pasi e kaloi sezonin e fundit në formë huazimi në Galatasaray, ku shkëlqeu në futbollin turk.
Madje, mediat britanike mësojnë se 27 vjeçarin e duan pesë klube të Bundesligës, të cilat janë duke e monitoruar situatën e vushtrriasit.
Rashica kishte luajtur me sukses në Gjermani me Werder Bremenin, prej nga në vitin 2021 ishte transferuar në Premierligë tek Norwichi.
Krahas Galatasarayt, futbollistin e krahut e do edhe gjiganti tjetër turk, Besiktas.
Sidoqoftë, Miloti nuk e ka fshehur dëshirën për të luajtur prapë dhe gjatë në “Nef Stadium” pasi e kaloi një sezon të shkëlqyeshëm në Galatasaray.
Ai kontribuoi në 11 gola të gjigantit nga Stambolli në Superligën Turke gjatë 26 ndeshjeve sa i zhvilloi në sezonin 2022/23, ndërsa u bë lojtar mjaft i pëlqyer i tifozëve.
(Kosova Sot Online )
