Lexoni edhe:
Xhaka pranon se ndaj Kosovës është ndeshje e veçantë
Tifozët serbë bëjnë skandal në Ligën e Kampionëve, i nderojnë terroristët e Banjskës dhe bëjnë thirrje kundër shqiptarëve
Tifozët e Crvena Zvezdës e kanë bërë edhe një veprim skandaloz mbrëmë në ndeshjen e fazës së grupeve të Ligës së Kampionëve, transmeton "Kosova Sot Online ".
Në fakt, tifozët e klubit serb në ndeshjen e mbrëmshme ndaj Young Boysit të Zvicrës i kanë nderuar dhe i kanë kujtuar terroristët serbë të vrarë nga Policia e Kosovës në Banjskë të Zveçanit më 24 shtator.
Siç njofton mediumi serb “Telegraf”, grupi i tifozëve “Delije” e shpalosën një fotografi gjigante, ku i kujtuan dy nga terroristët e vrarë pas sulmit në Kosovë, ku mbeti i vrarë polici hero Afrim Bunjaku.
Pankarta i shfaqte emrat e dy prej tre terroristëve të vrarë, Igor Milenkovic e Bojan Mijailovic.
Krahas emrave të tyre, ata e vendosën fotografinë e madhe të Stefan Nedeljkovicit, po ashtu terrorist i vrarë, i cili ishte tifoz i këtij klubi serb. Gjithashtu, nuk munguan as thirrjet skandaloze të tifozëve nacionalistë si “Kosova është Serbi” dhe “vrite, prite, që shqiptari të mos ekzistojë”. Natyrisht, tash priten veprimet konkrete të UEFA-s ndaj tifozëve problematikë që nxisin dhunë dhe vrasje.
(Kosova Sot Online )
