Lexoni edhe:
Nga IKSHP’ja flasin për ndikimin që ka mangani në shëndet, çfarë ndodhë kur është në vlera të larta
Goditje tragjike për futbollin shqiptar, vdes futbollisti i Egnatias nga sulm në zemër gjatë ndeshjes të sotme
Sulmuesi Raphael Dwamena nuk ia doli t’i mbijetojë sulmit në zemër gjatë ndeshjes Egnatia-Partizani.
Futbollisti ganez ra pa ndjenja në minutën e 23-të të ndeshjes mes Egnatia dhe Partizanit, teksa ndërhyrja e menjëhershme e stafeve mjekësore bëri që të përmendej dhe të nisej me urgjencë drejt spitalit të Kavajës, transmeton "Kosova Sot Online ".
Pikërisht atje sulmuesi 28-vjeçar ka pësuar një atak kardiak të dytë, të cilin nuk e përballoi dot dhe humbi jetën në mënyrë tronditëse. Raphael Dwamena iu bashkua Egnatias në janar të këtij viti dhe një më pak se një vit bëri që me cilësitë e tij sportive të dashuroheshin jo vetëm tifozët rrogozhinas, por edhe futbolldashësit shqiptarë.
Ai mbante shiritin e kapitenit te Egnatia që prej fillimit të sezonit, por një sulm i beftë në zemër i mori jetën në atë që donte më shumë, fushën e futbollit.
(Kosova Sot Online )
