Lexoni edhe:
Reagim i pa pritur i babait të Luis Diaz pasi ylli i Liverpoolit shënoi dy gola ndaj Brazilit po bën xhiro në rrjetet sociale
Silvinjo është gati, i ka përzgjedhur titullarët për formacionin kuqezi ndaj moldavëve
Kombëtarja shqiptare udhëtoi ditën e djeshme drejt Kishinaut, në kuadër të ndeshjes së parë ‘finale’ të muajit nëntor ndaj Moldavisë, që do të luhet sot në stadiumin ‘Zimbru’, transmeton "Kosova Sot Online ".
Tekniku brazilian do të ketë në dispozicion grupin e plotë të lojtarëve, të cilët gëzojnë shëndet të plotë dhe duken më të karikuar se kurrë.
Ndeshja e sotme do të nisë në orën 18:00 dhe një pikë mund të vendosë kualifikimin e menjëhershëm të Shqipërisë në Europian për herë të dytë në historinë e saj. Sakaq, me 20 nëntor, Shqipëria do të presë përfaqësuesen e Ishujve Faroe në stadiumin “Air Albania”. Teksa zhvilloi dje seancën e fundit stërvitore, sipas “Panorama Sport” nuk do të ketë ndryshime në formacion nga Silvinjo. Trajneri do ta nisë në portë me Etrit Berishën, ndërsa Ardian Ismajli do të kthehet në qendër të mbrojtjes, pasi me Çekinë nuk ia doli dot për shkak dëmtimi dhe u zëvendësua nga Ajeti. Ndërkohë krahas tij do të jetë Gjimshiti dhe anësorë do të vendosen Mario Mitaj dhe Elseid Hysaj. Po ashtu edhe mesfusha e pandryshuar me Ramadanin dhe Asllanin e para tyre Nedim Bajrami. Edhe në vijën e sulmit nuk ka surpriza pasi Asani, Seferi dhe Cikalleshi në majë do të formojnë këtë repart. Ndërkaq, në dispozicion Silvinjo do të ketë një stol luksi, me tre lojtarë që luajnë në Spanjë, Uzuni, Bare dhe Balliu. Muçi, Muja dhe Daku po ashtu alternativa që japin garanci. Të gatshëm do të jenë edhe Strakosha, Kastrati, Mersinaj, Veseli, Laçi, Gjasula dhe Muçolli.
(Kosova Sot Online )
