Lexoni edhe:
Kurti dhe Stoltenberg sot takohen në orën 16:35
Shqipëria dhe 16 kombëtaret e tjera që e kanë siguruar kualifikimin në Europian
Më datat 14 qershor-14 korrik do të zhvillohet në Gjermani Kampionati Europian i futbollit (hera e tretë që e pret këtë event, 1988 dhe 4 ndeshje të Europianit të fundit).
Teksa faza e grupeve pritet të mbyllet ditën e martë, deri tani kanë siguruar një biletë për në Euro 24 plot 17 ekipe, transmeton "Kosova Sot Online ".
Natyrisht që vendi i parë i kualifikuar është Gjermania organizatore, por gjatë javëve të fundit janë përvijuar një e nga një edhe ekipet e tjera pjesëmarrëse.
E mes tyre edhe Shqipëria e trajnerit Sylvinho, që shkon në një event të tillë për të dytën herë.
15 ekipet e tjera kombëtare që deri tani kanë prerë një biletë për në Euro 2024 janë: Belgjika, Franca, Portugalia, Skocia, Spanja, Turqia, Austria, Anglia, Hungaria, Sllovakia, Danimarka, Holanda, Rumania, Zvicra dhe Serbia.
Sot dhe nesër do të përcaktohen edhe disa nga ekipet e tjera që do të shkojnë në Europian, ndërkohë që në mars 2024 do të zhvillohen ndeshjet play off, që do të zbulojnë edhe ekipet e fundit që do të shkojnë në Europian.
Shorti do të hidhet me 2 dhjetor.
