Lexoni edhe:
Fillon operacioni madh ‘Fshesa’ te Barcelona: Gjashtë largime spektakulare nga Xavi, në mesin e tyre edhe disa yje
“Nuk tregoi respekt për klubin”, presidenti i PSG-së akuzon Messin
Presidenti i Paris Saint-Germain, Nasser Al-Khelaifi ka shpjeguar pse Lionel Messi nuk u lejua të parakalonte trofeun e tij të Kupës së Botës në Parc des Princes pasi Argjentina fitoi titullin e shumëpritur në Katar, transmeton "Kosova Sot Online ".
Al-Khelaifi beson se meqenëse Argjentina e Messit mundi Francën e Kylian Mbappe në finale, festimi nuk do t’u shkonte mirë tifozëve në Paris. “Për mua, siç thashë, nëse dikush flet për faktin se ne nuk e festuam mjaftueshëm pasi ai fitoi Kupën e Botës, ne jemi në Francë dhe ai mundi Kylian Mbappen. Ne jemi një klub francez. Unë nuk e bëj këtë”.
“Edhe dëshironi që i gjithë stadiumi të jetë kundër tij. Unë mendoj se duhet ta respektojmë atë”, ka thënë fillimisht Al-Khelaifi për RMC TV.Al-Khelaifi: Messi nuk tregoi respekt për klubin
Që nga largimi nga PSG te Inter Miami në muajin korrik, Messi ka qenë mjaft publik dhe i zëshëm për problemet e tij në kryeqytetin francez.
Në një intervistë në gusht, argjentinasi tha se ai kishte një kohë “të vështirë” në PSG, duke sugjeruar se ai nuk po shijonte lojën e tij.
Al-Khelaifi tani i është përgjigjur komenteve të Messit, duke akuzuar një nga lojtarët më të mirë në histori për mungesë respekti. “Ne flasim kur jemi këtu, jo kur nuk jemi atje. Unë kam shumë respekt për të, por nëse dikush dëshiron të flasë keq për PSG-në pasi është larguar nga klubi, kjo nuk është mirë. Kjo nuk është respekt”.
“Ai nuk është njeri i keq, por nuk më pëlqen. Komenti im nuk vlen vetëm për të, por për të gjithë, “ përfundoi presidenti i PSG-së.
(Kosova Sot Online )
