Lexoni edhe:
Ministri gjerman sot në Beograd: Gjermania nuk do të tolerojë më
Kosova në Ligën e Kombeve, ja kur do t’i mësojë kundërshtarët
Kombëtarja e Kosovës do t’i mësojë nesër emrat e ekipeve kundërshtare të Ligës së Kombeve 2024/25 të UEFA-s. “Dardanët” do të njihen me emrat e ekipeve me të cilët do të përfundojnë në të njëjtin grup, transmeton "Kosova Sot Online".
Kjo garë do të nisë në pjesën e dytë të vitit, më saktësisht më 5 shtator, ndërsa në atë muaj Kosova do t’i zhvillojë dy ndeshje, e dy të tjera në tetor dhe dy në nëntor, kur edhe do të mbyllet ky cikël i kësaj gare.
Kosova është pjesë e Ligës C të Ligës së Kombeve, ndërsa ka përfunduar në vazon e dytë bashkë me Bullgarinë, Azerbajxhanin e Ishujt Faro.
Kjo nënkupton se nuk mund të përfundojë në të njëjtin grup me to.
Kundërshtarë më të vështirë mund të jenë Suedia e Rumania, që janë në vazon e parë, ku kanë përfunduar edhe Luksemburgu e Armenia.
Ndërkaq, vazoja e tretë përbëhet nga Maqedonia e Veriut, Sllovakia, Irlanda e Veriut e Qiproja dhe njëra prej tyre mund t’i bie në grup Kosovës, njëjtë si Bjellorusia, Letonia, Estonia, Lituania e Gjibraltari, që gjenden në vazon e katërt.
Shorti i Ligës së Kombeve do të hidhet nesër në Paris të Francës duke filluar nga ora 18:00
(Kosova Sot Online )
