Lexoni edhe:
Berisha sulmon drejtorin e Policisë: E suspenduat policin që shau se u hoq fotografia e Adem Jasharit nga stacioni në Lipjan
Ish-sulmuesi i Interit dënohet me dy vite pezullim
Ish-sulmuesi i Interit, Gabriel ‘Gabigol’ Barboza është dënuar me 2 vite pezullim nga aktiviteti sportiv, për shkak të tentativës së mashtrimit me një çështje të dopingut në Brazil, transmeton "Kosova Sot Online ".
Qendërsulmuesi u shpall fajtor për tentativat e tij për të manipuluar testin e dopingut në kampin e Flamengos më datë 8 prill të vitit të kaluar.
Teksa të gjithë bashkëlojtarët e tij i kompletuan testet para orës 10 të mëngjesit, Gabigol u akuzua se u mundua t’i ‘pengojë’ zyrtarët për t’i kryer testet.
Ai dështoi në përputhje me procedurat dhe shkoi për të ngrënë drekë në vend të kësaj, e dorëzoi enën e mostrës së urinës së tij, dhe më pas u tha zyrtarëve se ky është testi i tij ‘përfundimtar’ i dopingut.
27-vjeçari u transferua nga Santosi tek Interi në verën e vitit 2016 për 29 milionë euro, por nuk pati impaktin e duhur te zikaltrit, duke kontribuar me një gol në 10 ndeshje dhe duke u emëruar ‘Lojtari më i Dobët’ në Serie A.
Ai më pas luajti në huazim tek Benfika, Santosi dhe Flamengo para shitjes përfundimtare tek ky i fundit në janar të vitit 2020 për 17 milionë euro.
(Kosova Sot Online )
