Lexoni edhe:
Nedim Bajrami asiston e shënon, por Sassuolo luan baras me Salernitanan
“Final 4” i Ligës Ballkanike në Qipro: Prishtina përballet me Lovcenin, Peja me AEL-in
Sigal Prishtina Mercure dhe Peja kanë mësuar kundërshtarët për në “Final 4” të Ligës Ballkanike. Prishtinasit triumfuan ndaj pejanëve të premten mbrëma, për të mbyllur sezonin e rregullt si lidere e kësaj gare.
Në anën tjetër, “verdhezinjtë” sezonin e rregullt e mbyllën në pozitën e tretë, transmeton "Kosova Sot Online ".
AEL Limassol dhe Lovceni janë dy skuadrat tjera që do të marrin pjesë në “Final 4” të Ligës Ballkanike.
Prishtina do të takohet me Lovcenin e Cetinjes nga Mali i Zi në gjysmëfinale, kurse Peja do të ketë punë me qipriotët.
“Final 4” do të mbahet në Limassol të Qipros nga data 12 deri më 14 prill.
Gjatë sezonit të rregullt, Prishtina e kishte fituar një dhe kishte humbur një tjetër përballje ndaj Lovcenit, derisa Peja kishte pësuar humbje në të dy përballjet me AEL-in.
Kujtojmë se skuadra nga kryeqyteti i Kosovës është dy herë kampione e Ligës Ballkanike, derisa Peja po e synon këtë titull për herë të parë.
(Kosova Sot Online )
