Real Madridi ka vendosur se me cilin lojtar të Manchester Cityt do të nënshkruajë këtë verë

Real Madridi ka vendosur se cilin lojtar të Manchester Cityt duan ta transferojnë këtë verë pasi i eliminuan ata nga Liga e Kampionëve, transmeton "Kosova Sot Online ".

‘Los Blancos’ mposhtën ‘Qytetarët’ në penallti pas dy ndeshjeve dramatike që bënë që ndeshja të përfundonte me rezultat 4-4.

Lexoni edhe:

Ancelotti i ringjallur pas fitores kundër Barcelones: Javë sfiduese, por e paharrueshme

Gjiganti spanjoll është lidhur që një kohë me disa nga yjet e Man Cityt, dhe sipas një raportimi të fundit nga The Daily Star, ata tashmë janë të interesuar për Bernardo Silvën.

Reprezentuesi portugez ka tërhequr interesimin e disa nga klubet e mëdha evropiane për shkak të klauzolës së tij prej 50 milionë eurosh.

Së bashku me Real Madridin, edhe Barcelona, Bayern Munichu, Paris Saint-Germaini dhe Arsenali janë duke e monitoruar gjithashtu situatën e tij.

Lexo po ashtuFabrizio Romano dhuron më të rejat e fundit rreth transferimit të Davies tek Real Madridi

Sidoqoftë, raporti shton se në rast largimi nga Anglia, destinacioni i tij i preferuar për të vazhduar karrierën do të ishte Spanja.

29-vjeçari është një fytyrë e njohur për Real Madridin dhe Carlo Ancelottin, pasi janë takuar me njëri-tjetrin disa herë gjatë tri viteve të fundit.

Silva u transferua në Mançester në vitin 2017, pasi fitoi titullin në Francë me Monacon, si dhe pasi i udhëhoqi ata në gjysmëfinale të Ligës së Kampionëve.

(Kosova Sot Online )