Lexoni edhe:
Koha e fundit që BE t'i suspendon masat ndaj Kosovës
Atletico Madridi dëshiron shkëmbim me Barcelonën për Felixin
E ardhmja e Joao Felix ka qenë e pasigurt për pjesën më të madhe në dy vitet e fundit, pasi ka kaluar një sezon në huazim me Chelsean dhe tani një të dytë me Barcelonën, transmeton "Kosova sot Online".
Ai duket se do të përfundojë si lojtar stoli dhe Atletico Madrid nuk ka shumë qëllim ta rikthejë atë.
Barcelona dëshiron ta mbajë Felixin dhe një takim do të ndodhë së shpejti me agjentin, Jorge Mendes, për të zgjidhur të ardhmen e tij.
Verën e kaluar Atletico donte ta shiste portugezin në Arabinë Saudite, por dëshira e lojtarit nuk ishte që të largohet nga Evropa dhe duket se ky opsion do të refuzohet sërish nga sulmuesi.
24-vjeçari dëshiron që të qëndrojë te Barcelona, por klubi synon huazimin e tij edhe për sezonin e ardhshëm me kushtet e njëjta.
Në anën tjetër, klubi nga Madridi synon shitjen e përhershme të tij.
Mendes kishte menduar t’ia ofronte Atleticos Ansu Fati në këmbim, por “Rojiblancos” nuk janë të bindur nga kjo ide.
Inigo Martinez është përmendur gjithashtu si një lojtar që mund të përfshihet në një marrëveshje eventuale, por sipas “Sport”, Ferran Torres është një nga lojtarët për të cilin Atletico Madridi është i interesuar dhe do të pranonte të mbyllte një marrëveshje të përhershme.
Megjithatë, Torres ende nuk ka shfaqur ndonjë dëshirë për t’u larguar nga Barcelona, ndërsa Xavi e konsideron atë një pjesë të rëndësishme të skuadrës.
Duket sikur të dyja palët do të duhet të gjejnë një zgjidhje tjetër për të mbajtur Felixin te “Blaugranët”, pasi duket se opsionet e Atletico Madridit për ta transferuar atë diku tjetër janë po aq të vogla sa shanset që Barcelona të ofrojë paratë që Atletico kërkon.
(Kosova Sot Online )
