Lexoni edhe:
Zëdhënësi i Qeverisë i kundërpërgjigjet ashpër Peter Stanos: Mungesa e progresit në dialog është shkaku i Serbisë
Yjet e Kosovës, Mirlind Daku dhe Florent Hadergjonaj, në formacionin e javës në Rusi dhe Turqi
Dy yjet nga Kosova, Mirlind Daku dhe Florent Hadergjonaj janë shpërblyer pas paraqitjeve të mira këtë fundjavë me klubet e tyre Rubin Kazan dhe Alanyaspor, transmeton "Kosova Sot Online ".
Fundjava e fundit ka qenë pozitive për futbollistët shqiptarë, të cilët kanë lënë gjurmë në ekipet e tyre përkatëse.
Të tillë janë sulmuesi Daku, i cili shënoi gol për Rubin Kazanin në Rusi dhe mbrojtësi Hadergjonaj që asistoi me Alanyaspor në Turqi.
Paraqitjet e tyre të mira nuk mbeten pa u vlerësuar, pasi të dy përfunduan në formacionin më të mirë në Rusi, respektivisht në Turqi.
Është faqja e specializuar e statistikave SofaScore, e cila ka notuar pozitivisht reprezentuesin e Shqipërisë dhe reprezentuesin e Kosovës.
Daku u vlerësua me notë 7.9, ndërsa Hadergjonaj pati notë 8.1.
(Kosova Sot Online )
