Caktohen gjyqtarët për finalen e Ligës së Kampionëve

Komiteti i Gjyqtarëve të UEFA-s ka deleguar gjyqtarët për finalen e madhe të Ligës së Kampionëve.

Në finale do të takohen Borussia Dortmundi dhe Real Madridi.

UEFA njoftoi sot se në këtë ndeshje drejtësinë do të ndajnë gjyqtarët sllovenë.

Slavko Vincic do të jetë gjyqtari kryesor, kurse ndihmësit e tij do të jenë Tomaz Klancnik dhe Andraz Kovacic.

François Letexier nga Franca është caktuar për në rolin e gjyqtarit të katërt.

Dyshja sllovene, Nejc Kajtazovic dhe Rade Obrenovic, do të jenë në dhomën e VAR-it. Francezi, Cyril Mugnier, do të jetë rezervistë i AR.

Ndërsa, italiani, Massimiliano Irrati, do të jetë mbështetës i VAR-it.

Kujtojmë se finalja e Ligës së Kampionëve do të zhvillohet më 1 qershor, në stadiumin “Wembley” të Londrës.

(Kosova Sot Online)