Lexoni edhe:
Ky ësht ylli i futbollit kroat që në vitin 2017 punonte në ndërtimtari, tani ftohet në Euro 2024
Granit Xhaka në ekipin ideal të vitit në Gjermani
Granit Xhaka e bëri një rikthim sensacional në Bundesligë, transmeton "Kosova Sot Online ".
Pasi kishte shkëlqyer me Borussia Monchengladbachun vite më parë, ylli kosovar e bëri të njëjtën gjë edhe në këtë edicion.
Përfaqësuesi zviceran i dha fund eksperiencës angleze me Arsenalin për t’u rikthyer në kampionatin gjerman.
Shumëkush e kritikoi veteranin e mesfushës, duke konsideruar se e kishte bërë një hap prapa në karrierë pasi e la atë që konsiderohet si liga më e fortë në botë – Premierligën.
Sidoqoftë, ish-futbollisti i Baselit i heshti kritikët duke e marrë në dorë ekipin e Bayer Leverkusenin.
Xhaka me “Farmaceutikët” e mbylli sezonin përrallor në Bundesligë pa e pësuar asnjë humbje, për t’iu bashkuar kështu rekordeve të regjistruara paraprakisht nga Arsenali, Milani e Juventusi.
E falë paraqitjeve solide, Xhaka s’kish se si të mos shpërblehej.
(Kosova Sot Online )
Faqja e specializuar për transfere dhe vlerësime të lojtarëve, e ka përfshirë Granitin në ekipin ideal të sezonit në Bundesligë.
Kampioni i freskët gjerman vlerësohet 20 milionë euro, ndërsa e gjen veten përpara mbrojtjes ideale.
31 vjeçari i ka zhvilluar 33 ndeshje në Bundesligë, me ç’rast i ka shënuar tre gola.
Gjithashtu, Xhaka ka mundësi ta fitojë edhe Ligën e Evropës, ku në finale do të përballet me Atalantën.
Aty, futbollisti luftarak i ka zhvilluar 10 ndeshje dhe i ka dhuruar dy asistime.
