Lexoni edhe:
Milani fillon bisedimet me Stuttgartin, po e paguajnë klauzolën e Serhou Guirassyt
“Çmenduri” tifozësh në Mitrovicë, mijëra veta e vërshuan pikën e shitjes së biletave në orët e hershme të mëngjesit
Mitrovica është definitivisht qytet i basketbollit. Në këtë qytet, interesimi për këtë sport është i jashtëzakonshëm.
Mijëra tifozë janë grumbulluar në orët e hershme të mëngjesit të sotëm me synimin që ta blejnë një biletë për finalen e sontme vendimtare për titull të kampionit mes Trepçës dhe Golden Eagle Yllit, transmeton "Kosova Sot Online ".
Biletat kanë dalë në shitje në orën 09:00, ndërsa tifozët e kanë vërshuan pikën e shitjes së tyre që nga ora 07:00.
Aktualisht, Trepça dhe Ylli janë baras me ndeshje, 2-2 në serinë finale të “play-offit” të Superligës.
Dhe, sonte në palestrën “Minatori” në Mitrovicë do të vendoset titulli i kampionit, në ndeshjen që do të fillojë në orën 19:00.
Trepça kishte dështuar në momentet vendimtare në shtëpi në dy sezonet e fundit, ndërsa këtë herë është e vendosur për ta festuar para publikut të vetë një titull që po e pret qe një kohë të gjatë.
E atmosfera në qytetin buzë Ibrit tashmë ka nisur dhe tifozët po shpresojnë që festa do të vazhdojë deri në orët e vona të mbrëmjes. “Çmenduri”!
(Kosova Sot Online )
