Rekordin e Ancelottit vështirë se do ta arrijë dikush
Real Madridi ka fituar me rezultat të pastër 2-0 ndaj Borussia Dortmundit në ‘Wembley’ të Londrës për të marrë trofeun e 15-të të Ligës së Kampionëve në histori të klubit.
Golashënues ishin Dani Carvajal në minutën e 74-të dhe Vinicius Junior në minutën e 83-të.
Carlo Ancelotti u bë kështu rekordmeni me pesë tituj evropianë. Ai fitoi dy titujt e parë evropianë me Milanin në 2003 dhe 2007, dhe më pas tre të tjerë me Real Madridin në 2014, 2022 dhe 2024.
Ancelotti është gjithashtu rekordmeni me gjashtë finale evropiane, duke humbur vetëm një finale, atë të vitit 2005 me Milanin, kur klubi italian kryesonte 3-0 në pjesën e parë kundër Liverpoolit, më pas humbi avantazhin në pjesën tjetër të ndeshjes, duke pësuar në fund me penallti.
Eksperti spanjoll i futbollit Pep Guardiola, francezi Zinedine Zidane dhe anglezi Bob Paisley kanë secili nga tre kurora evropiane. Guardiola fitoi dy titujt e parë evropianë në pankinën e Barcelonës në 2009 dhe 2011, dhe vitin e kaluar me Manchester Cityn. Zidane i fitoi të tre titujt me Realin në 2016, 2017 dhe 2018, dhe Paisley me Liverpoolin në 1977, 1978 dhe 1981.
Le të shtojmë gjithashtu se vetëm gjashtë trajnerë fituan titullin evropian me dy klube të ndryshme – Ancelotti (Real Madrid, Milan), Ernst Happel (Feyenoord, HSV), Ottmar Hitzfeld (Borussia Dortmund, Bayern Munich), Jose Mourinho (Porto, Inter), Jupp. Heynckes (Real Madrid, Bayern) dhe Guardiola (Barcelona, Manchester City).
Trajnerët me më shumë Liga të Kampionëve:
5 – Carlo Ancelotti (Milan 2003, 2007, Real Madrid 2014, 2022, 2024)
3 – Zinedine Zidane (Real Madrid 2016, 2017 dhe 2018)
3 – Bob Paisley (Liverpool 1977, 1978 dhe 1981)
3 – Pep Guardiola (Barcelona 2009, 2011, Manchester City 2023).
(Kosova Sot Online)
