Lexoni edhe:
Bayerni e godet rëndë Leverkusenin, ia merr një nga futbollistët më të mirë
Ja kush do të jetë presidenti i ri i Interit
Skuadra e Interit është bërë me president të ri. Në dorë klubin e ka marr Giuseppe Marotta, transmeton "Kosova Sot Online".
Administratori i deleguar i zi kaltërve ka marrë besimin e fondit amerikan Oaktree për të zënë vendin e Steven Zhangut, në krye të klubit zi kaltër, teksa vendimi zyrtar ka ardhur paraditen e të martës.
Në prag të nisjes së Asamblesë së aksionarëve, fondi amerikan ka lëshuar edhe një deklaratë zyrtare, ku njofton emërimin e Marottës si president të klubit zikaltër.
Vetë Marotta pranoi detyrën e re dhe nuk ngurroi të falënderonte Fondin amerikan për besimin e dhënë.
“Dëshiroj të falënderoj Oaktree-n për besimin e dhënë dhe mundësinë për të punuar krah tyre dhe Këshillit të administrimit. Ky emërim është një mirënjohje e madhe ndaj meje dhe njerëzve me të cilët kam punuar gjatë këtyre tre vjetëve për të mbajtur klubin në nivele të larta. Jam krenar që jam pjesë e Interit dhe konfirmoj angazhimin maksimal për të bërë më të mirën për shoqërinë”, u shpreh Marotta.
(Kosova Sot Online )
