Lexoni edhe:
Jorn Rohde del me reagim
Kryeministri Kurti ofron mbështetje speciale për KF Ballkanin
Kryeministri i Republikës së Kosovës, Albin Kurti e ka shprehur mbështetjen e tij të plotë dhe të Qeverisë që e drejton për klubin e futbollit Ballkani. transmeton "Kosova Sot Online".
Therandasit u pritën nga Kurti, por edhe nga ministri i Sportit, Hajrulla Çeku, pas suksesit të fundit, kur arritën ta siguronin titullin e tretë të kampionit të Kosovës dhe mbi të gjitha pas sukseseve në garat evropiane, më saktësisht në Ligën e Konferencës.
“Qeveria është e hapur për KF Ballkanin.
Tre vjet rresht, tre herë kampion në Superligën e futbollit në Republikën e Kosovës, ndërkaq sivjet për herë të parë edhe fitues i Kupës së Kosovës. Ky sukses i jashtëzakonshëm shkon për klubin futbollistik KF Ballkani nga qyteti i Suharekës, që pa dyshim është shndërruar në qytet të sportit.
Me gjithë këto suksese, me pjesëmarrje edhe në garat kualifikuese për Ligën e Kampionëve, me shumë lojtarë që nga ky klub tash janë pjesë e shumë ekipeve të njohura në Evropë e më gjerë, e ardhmja e kampionit aktual të futbollit në Kosovë është pa dyshim edhe me më shumë suksese.
Ju faleminderit për emocionet e festat këtë stinor. Faleminderit edhe për dhuratën e veçantë, topin e futbollit me nënshkrimet e futbollistëve kampion, me të cilin Ballkani e filloi ndjeshjen historike në pjesëmarrjen e parë të ndonjë klubi vendor në Ligën e Konferencës”, shkroi Kurti në rrjetet sociale.
Falë suksesit të radhës në Superligë, Ballkani do të luajë në Ligën e Kampionëve edhe në edicionin 2024/25.
(Kosova Sot Online )
