Lexoni edhe:
BE kërkon bllokimin e miliona eurove për Shqipërinë, zbulohet keqpërdorimi i 33 milionë euro që i dhanë për bujqësi
Dueli Shqipëri – Spanjë, UEFA ia beson gjykimin një suedezi
UEFA ka zgjedhur një arbitër suedez si kryesorin e takimit Shqipëri-Spanjë, dueli i fundit në grupin B të Euro 2024, transmeton "Kosova Sot Online ".
Kuqezinjtë e Sylvinhos sfidojnë të hënën në mbrëmje (21:00) spanjollët e kualifikuar, me ëndrrën dhe besimin për të siguruar një fitore.
Që do të ishte historikë për të gjithë shqiptarët, dhe mbi të gjitha do të sillte kualifikimin në 16 më të mirët e Gjermani 2024.
Glenn Nyberg është përzgjedhur arbitri i duelit të 24 qershorit në “Merkur Spiel-Arena” të Dusseldorfit.
35-vjeçari nordik, një ndër më të rinjtë në Euro 2024, u bë arbitër profesionist në vitin 2008. Teksa mban stemën e FIFA-s prej vitit 2016.
Nyberg ishte arbitri i katërt në finalen e Conference League në Athinë mes Fiorentinës dhe Olympiacosit.
Gjatë 301 takimeve zyrtare që ka arbitruar në Suedi dhe Europë, Nyberg ka nxjerrë nga xhepi kartonin e verdhë në 972 raste dhe 16 herë të kuqin.
(Kosova Sot Online )
