Carvajal në garë për Topin e Artë

Dani Carvajal ka kaluar tashmë 12 muaj fenomenal, pasi ka fituar Ligën e Kampionëve, La Ligën dhe Superkupën e Spanjës me Real Madridin gjatë sezonit të fundit 2023-24. Ai synon sukses të mëtejshëm me Spanjën këtë verë, ndërsa La Roja është në kërkim të titullit të katërt të Kampionatit Evropian, transmeton "Kosova Sot Online ".

Pavarësisht suksesit të tij dhe nivelit të lartë të performancës sezonin e kaluar, Carvajal nuk konsiderohet të jetë askund afër garës për të fituar Topin e Artë 2024, me shokët e skuadrës Vinicius Junior dhe Jude Bellingham që shihen aktualisht si favoritët e qartë.

Lexoni edhe:

Superkompjuteri zbulon shanset e secilës kombëtare për të kaluar në çerekfinale, gjysmëfinale dhe finale – parashikon edhe fituesin

Megjithatë, nëse Spanja fiton Kampionatin Evropian ‘Gjermani 2024’, Carvajal beson se mund të ketë një shans nga jashtë për të fituar trofeun më të madh individual në futboll.

“As nuk e mendoj. Është e vërtetë që kam pasur një vit të mrekullueshëm, edhe në sulm, me golin në finalen e Ligës së Kampionëve… Nëse performoj mirë në Kampionatin Evropian dhe nëse e fitojmë, mund të jem në listën e kandidatëve. Nuk do të ishte çmenduri”, ka thënë fillimisht Carvajal për Diario AS.

“Vinicius dhe Bellingham kanë pasur një vit të mrekullueshëm, Mbappe do të jetë kandidat nëse Franca fiton Kampionatin Evropian. Unë nuk mendoj për këtë. Ajo që kam në plan është të shkojmë sa më larg në Euro 2024 dhe, nëse mundemi, të jemi në finale në Berlin”, përfundoi ylli spanjoll.

(Kosova Sot Online )