Shumë klube angleze interesohen për Calafiorin, Bologna ia cakton çmimin

Është gjithnjë e më e qartë se kjo do të bëhet një luftë ofertash në Premier League për Riccardo Calafiori, me Arsenalin dhe Chelsean në krye, pasi Bolonja nuk preferon të forcojë Juventusin.

Mbrojtësi ishte një nga lojtarët e paktë që bëri përshtypje për Italinë në EURO 2024, veçanërisht pasi ai luajtu ndeshjen e tij të parë vetëm muajin e kaluar.

Juve e ka ndjekur atë për shumë muaj, por duke marrë trajnerin e Bolognas, Thiago Motta, ata dëmtuan raportin e tyre me klubin.

Madje ka raportime se Liverpool, Tottenham Hotspur dhe West Ham United mund të jenë në garë.

Bologna nënshkroi Calafiori vitin e kaluar nga FC Basel për vetëm 4 milionë euro, por me kusht që i detyrohen ekipit zviceran 40 për qind të fitimit nga tarifa e shitjes.

Me këtë në mendje dhe formën e tij të fundit, Rossoblu duan të paktën 50 milionë euro për t’u ndarë me mbrojtësin e gjithanshëm, i cili mund të luajë në qendër, si mbrojtës i majtë apo edhe në një rol më të avancuar.

Sipas Corriere dello Sport, Arsenali është praktikisht aty me një propozim me vlerë 47 milionë euro.

(Kosova Sot Online)