Lexoni edhe:
Publikohet harta e botes: Nga Australia, SHBA dhe Europa, të gjitha shtetet që u prekën nga rënia e sistemeve të IT
Zbulohet strategjia e Juventusit për të marrë Jadon Sanchon
Sipas La Gazzetta dello Sport, sulmuesi i krahut i Portos, Galeno, është një nga objektivat më pak të njohur të Juventusit për sulmin, megjithëse Cristiano Giuntoli ende shpreson të marrë Jadon Sancho-n me huazim nga Manchester United, transmeton "Kosova sot Online ".
Drejtori i Juventusit njoftoi se Bianconerët do të përfundonin edhe tre nënshkrime këtë verë pasi njoftuan Douglas Luiz, Michele Di Gregorio, Khephren Thuram dhe Juan Cabal.
Bianconerët pritet të nënshkruajnë me një sulmues të ri të krahut, por sipas Gazzetta, nëse Matias Soulé largohet, atëherë gjigantët e Serie A do të kenë nevojë për dy lojtarë të rinj në krahë.
Gazeta pretendon se objektivi më i fundit dhe ‘më pak i njohur’ në agjendën e Juventusit është sulmuesi i krahut i Portos, Galeno.
26-vjeçari ka një klauzolë prej 60 milionë euro, por Porto mund të ketë nevojë të shesë për një tarifë më të ulët për arsye financiare.
Karim Adeyemi nga Borussia Dortmund dhe Sancho nga Manchester United janë lartë në agjendën e Bianconerëve. Sipas Gazzetta, Giuntoli shpreson të sigurojë një marrëveshje në minutën e fundit me Red Devils, duke marrë Sancho-n me huazim me një pjesë të pagës të paguar nga skuadra e Premier League.
(Kosova Sot Online )
