Lexoni edhe:
Rita kthehet në Europë, e bën edhe një fotosesion të “nxehtë”
Ja kur do të hedhet shorti për fazën tjetër të Ligës së Konferencës
Klubet kosovare po shënojnë edhe një sezon tjetër në garat europiane, që nga pranimi i Kosovës në UEFA, në vitin 2016, transmeton "Kosova Sot Online".
Mirëpo, paraqitjet e sivjetme po lën shumë për të dëshiruar. Ballkani u mposhtë në fazën e parë kualifikuese të Ligës së Kampionëve nga UE Santa Coloma e Andorrës, dhe kështu do të vazhdojë garën në Ligën e Konferencës.
Aty, kampioni i Kosovës do të ketë punë me Hamrun Spartans, me takimin që luhet në kuadër të fazës së dytë kualifikuese për këtë kompeticion. Në këtë fazë do të luajë edhe Llapi, i cili ra nga Liga e Europës, pasi u mposht nga Wisla Krakow. Llapjanët e Tahir Batatinës do të kenë punë jo të lehtë në këtë fazë, pasi ndeshen me gjigantin danez, Brondby.Nga kjo fazë, Llapit e Ballkanit i bashkangjitet edhe Drita.Klubi nga Gjilani do të ketë punë me Breidablik të Islandës. Islandezët deri më tani arritën të eliminojnë Tikvesin e Maqedonisë së Veriut.Mirëpo, në rast se do të kalojnë fazën e dytë, interes për klubet kosovare dhe tifozët e tyre do të ketë edhe për turin e tretë.E për këtë fazë, shorti do të hedhet më 22 korrik në selinë e UEFA-s në Nyon të Zvicrës.
(Kosova sot Online )
