Lexoni edhe:
Këshilli i BE-së ua heq vizat serbëve të Kosovës me pasaporta të Serbisë
Milani pranë marrëveshjes me ‘tradhtarin’ e Interit
Një vit më vonë, Milano është ende në fatin e Lazar Samardzic. Kalimi tek Interi verën e vitit të kaluar u zbeh kur mungonin vetëm firmat, ndërsa sot, mesfushori serb është afër kalimit te Milan, transmeton "Kosova Sot Online ".
Kontaktet mes drejtuesve kuqezinj dhe stafit të lojtarit kanë qenë pozitive dhe Samardzic ka hapur derën për një zbarkim në Milanello.Para se të arrijë marrëveshjen me Udinese, skuadrën aktuale të Samardzic, “djalli” duhet të shesë një mesfushor: ku i sakrifikuari është Tommaso Pobega, i cili mund të jetë me të vërtetë i duhuri për “friulianët”.
Operacioni i Samardzic nuk ka lidhje me atë për Fofana, duke qenë se serbi ka karakteristika të ndryshme nga francezi.
Serbi me origjinë gjermane ka teknikë të shkëlqyer dhe gjuajtje të mirë, ndërsa Fofana është më fizik dhe më mbrojtës.
Udinese e vlerëson atë në jo më pak se 20 milionë euro, ndërsa Milani është gati të nisë negociatat në bazë të 15 milionëve. Hendeku mund të kapërcehet lehtësisht dhe huazimi Pobega zgjidh ngërçin.
Këtë javë pritet që negociatat të mbyllen përfundimisht. Drejtuesit e Milan do të takojnë fillimisht baba-agjentin e Samardzic dhe, pasi të marrin miratimin e tij për transferimin e mesfushorit, do të ulen në një tryezë me Udinese për të gjetur një marrëveshje për vlerësimin financiar.
(Kosova Sot Online )
