Ligat evropiane thuhet se do ta padisin FIFA-për kalendarin e ngjeshur të ndeshjeve

Ligat kryesore evropiane, përfshirë Premier League, dhe sindikata globale e lojtarëve Fifpro do të nisin veprime ligjore kundër organit drejtues botëror të futbollit, FIFA, për “abuzim të dominancës” në lojë.

European Leagues, që përfaqëson 39 liga dhe 1,130 klube në 33 vende, thotë se do të paraqesë një ankesë në Komisionin Evropian për të mbrojtur mirëqenien e lojtarëve.

Kjo vjen pas presionit në rritje nga ligat dhe sindikatat e lojtarëve, përfshirë Shoqatën Profesionale të Futbollistëve (PFA), për numrin e ndeshjeve të shtuara në kalendar dhe ndikimin e tyre mbi lojtarët.

Një deklaratë e Fifpro thoshte se kalendari ndërkombëtar është “tani përtej ngopjes”, “i paqëndrueshëm për ligat kombëtare” dhe një “rrezik për shëndetin e lojtarëve”.

Deklarata shtoi: “Vendimet e FIFA-s gjatë viteve të fundit kanë favorizuar vazhdimisht garat e saj dhe interesat komerciale, kanë neglizhuar përgjegjësitë e saj si organ drejtues dhe kanë dëmtuar interesat ekonomike të ligave kombëtare dhe mirëqenien e lojtarëve.

“Veprimi ligjor është tani hapi i vetëm përgjegjës për ligat evropiane dhe sindikatat e lojtarëve për të mbrojtur futbollin, ekosistemin e tij dhe fuqinë punëtore.”

(Kosova Sot Online)