E bujshme nga Franca, falimenton ekipi i njohur

E bujshme nga Franca, falimenton ekipi i njohur

Lajm historik në futbollin francez. Sipas mediave franceze si SudOuest, Girondins de Bordeaux i ka komunikuar FFF (Federatës Franceze të Futbollit) se po heq dorë nga statusi i tij profesional, pa pritur madje as seancën në Gjykatën Tregtare, e cila do të vendosë nëse do të shpallet në falimentim apo në pezullim pagash.

Në divizionin e tretë, ku skuadra franceze ra në mënyrë administrative nga DNCG, bashkëjetojnë klube amatore me të tjera profesionale.

Kur një ekip bie nga kategoria, automatikisht humbet statusin profesional, por mund të kërkojë një përjashtim për ta ruajtur atë për dy sezone, siç bëri Sochaux.

Vendimi i Girondins ka një pasojë të drejtpërdrejtë në skuadrën e tyre aktuale. Humbja e statusit profesional nënkupton përfundimin automatik të kontratave të të gjithë lojtarëve, kështu që futbollistët që i përkisnin klubit mbeten të lirë.

Përveç kësaj, gjithashtu shkakton humbjen e homologimit të qendrës së formimit, duke detyruar mbylljen e akademisë dhe duke lënë pa asnjë lidhje me klubin të gjithë të rinjtë që luanin aty.

(Kosova Sot Online)