Lexoni edhe:
Kurti për Distria Krasniqin: Jemi krenarë me këtë rezultat që lartëson vendin tonë
Bayerni merr një goditje të rëndë, ylli i ekipit ka pësuar thyerje të këmbës
Bayern Munich ka marr një goditje të rëndë, pasi blerja e re Hiroki Ito ka pësuar thyerje të këmbës gjatë miqësores së djeshme (28 korrik) ndaj 1. FC Duren.
Ito luajti nga minuta e parë për Bayernin në duelin ndaj 1. FC Duren në një miqësore parasezonale e cila u zhvillua të dielën, transmeton "Kosova Sot Online ".
Sidoqoftë, reprezentuesi japonez pësoi një lëndim në pjesën e parë dhe u desh që të zëvendësohej menjëherë. Bayerni tani ka zbuluar se Ito ka pësuar thyerje të këmbës dhe do të mbetet jashtë fushave për javë të tëra.
“Është natyrisht një goditje e rëndë. Ne do t’i dhurojmë Hirokit mbështetjen më të madhe kështu që ai të rikthehet plotësisht i gatshëm në fushë sa më shpejt që të jetë e mundur”, ka thënë Max Eberl.
Ito iu bashkua Bayernit nga Stuttgarti më herët gjatë kësaj vere për shifrën e 30 milionë eurove. 25-vjeçari shijoi një sezon të shkëlqyer me ta, dhe i ndihmoi të përfundojnë në pozitën e dytë në Bundesliga.
Paraqitjet e tij të mira tërhoqën interesimin e Bayernit dhe i bindën ata që ta nënshkruajnë, megjithatë ai do të jetë jashtë fushave për një kohë të gjatë.
Lëndimi i Itos është një goditje e madhe për Bayernin dhe përgatitjet e tyre për sezonin e ri. Përveç ekipit, lëndimi ishte një lajm i keq edhe për vet lojtarin, pasi ai pritej që të luante një rol kyç në ekipin e Vincent Kompany këtë sezon.
Bayerni tashmë është e sigurt se do të nënshkruaj me një mbrojtës të ri, ndërsa Jonathan Tah i Bayer Leverkusenit mbetet opsioni i tyre i preferuar.
Matthijs de Ligt pritet që të largohet nga klubi dhe për të interesim të madh ka shprehur Manchester Unitedi.
(Kosova Sot Online )
