Man City gjobitet me mbi 2 milionë euro

Manchester City është gjobitur me më shumë se 2 milionë paund për vonimin e nisjes dhe rifillimeve të ndeshjeve të Premier League 22 herë gjatë dy sezoneve të fundit.

Klubi pranoi se kishte shkelur rregullat e Premier League kur vonuan nisjen ose rifillimin pas pjesës së parë në shumë raste “pa arsye të mirë”.

Kampionët e Premier League vonuan rifillimet tetë herë në sezonin 2022-23 dhe u gjobitën me 390,000 paund.

Në sezonin 2023-24 kishte 14 shkelje dhe gjobat arritën në 1.7 milionë paund – me nisjen e pjesës së dytë të vonuar 11 herë dhe nisjen e ndeshjes të vonuar katër herë.

Dënimet varionin nga një paralajmërim për shkeljen e parë – në një ndeshje kundër Crystal Palace më 27 gusht 2022 – deri te sanksioni më i madh prej 200,000 paund, të cilin e morën për vonesën më të gjatë prej dy minutash dhe 46 sekondash.

Kjo ndodhi gjatë fitores së tyre 3-1 ndaj West Ham më 19 maj 2024, kur ata siguruan titullin e katërt radhazi të Premier League në ditën e fundit të sezonit.

Fitorja e tyre 1-0 në shtëpi ndaj Newcastle më 19 gusht 2023 përfshinte një nisje të vonuar dhe rifillim, dhe 12 nga shkeljet gjatë dy sezoneve ndodhën në ndeshjet në shtëpi.

Në marrëveshjen e sanksioneve, Premier League tha se klubi kishte “kërkuar falje për shkeljet e pranuara dhe konfirmoi se ka kujtuar lojtarët dhe ekipet e menaxhimit të futbollit për përgjegjësitë e tyre”.

“Rregullat që lidhen me nisjet dhe rifillimet ndihmojnë në sigurimin e organizimit të garës në standardin më të lartë profesional të mundshëm dhe ofrojnë siguri për tifozët dhe klubet pjesëmarrëse,” thuhej në deklaratë.

“Ato gjithashtu sigurojnë që transmetimi i të gjitha 380 ndeshjeve të ligës në mbarë botën të mbahet sipas orarit.”

City kanë refuzuar të komentojnë.

(Kosova Sot Online)