Kumbulla drejt largimit nga Roma

Aventura e Marash Kumbullës te skuadra e Romës duket se do të përfundojë këtë verë.

Qendërmbrojtësi i kombëtares shqiptare pritet të ndryshojë fanelë ditët e ardhshme, por jo kampionat.

Mediat italiane bëjnë me dije se skuadra e Empolit aty ku luan dhe Ardian Ismaili po e kërkon me ngulm Kumbullën dhe ka nisur bisedimet me skuadrën e Romës.

Kumbulla i cili fazën e dytë të sezonit që lamë pas u huazua te Sasuolo, po kërkon të rikthehet edhe njëherë në lojë duke kërkuar të ndryshojë skuadër, pasi nuk e gjeti veten asnjëherë te Roma.

(Kosova Sot Online)