![Gavi i bashkohet ekipit në stërvitje](/uploads/kosova-sot/images/2024/May/09/200x200_Gavi-780x439_11715251448.jpg)
Dybala dhe Roma refuzojnë ofertën e klubit arab
![Dybala dhe Roma refuzojnë ofertën e klubit arab](/uploads/kosova-sot/images/2024/August/16/auto_Paulo-Dybala-Roma-Sevilla-celebrate-600x3601723800207.jpg)
Në një kthesë të jashtëzakonshme të ngjarjeve, Paulo Dybala dhe Roma kanë vendosur të refuzojnë ofertën nga Al-Qadsiah dhe ai do të qëndrojë në Stadio Olimpico.
Lojtari kishte thënë lamtumirën e tij sot në qendrën stërvitore në Trigoria, si për tifozët, shokët e skuadrës dhe stafin, me pritshmëri të plotë se nuk do të kthehej më.
Megjithatë, këtë mbrëmje, burime të shumta, përfshirë Fabrizio Romano, Sky Sport Italia dhe Sportitalia, pohojnë se negociatat janë ndërprerë.
Ata kanë versione paksa të ndryshme se kush e ndaloi marrëveshjen, disa thonë se ishte Dybala ai që refuzoi pagën prej 75 milionë eurosh për tre vite, të tjerë që Roma ishte e pakënaqur që do të paguhej vetëm 3-4 milionë euro plus bonuse për yllin e tyre.
Pavarësisht nga shkaku i prishjes së marrëveshjes, si lojtari ashtu edhe Roma vendosën që do të donin të vazhdonin së bashku për këtë sezon.
Ai kishte një klauzolë lirimi prej 12 milionë eurosh në kontratën e tij që skadoi më 31 korrik dhe kontrata e tij aktuale është e vlefshme vetëm deri në fund të kampionatit, por ekziston një opsion për ta zgjatur automatikisht për një vit me të njëjtën pagë sapo të bëjë paraqitjen e tij të 14-të në një ndeshje konkurruese.
Reprezentuesi argjentinas e njoftoi këtë me një video në Instagramin e tij, me një mesazh që thotë: “Faleminderit, Roma. Do të shihemi të dielën.”
(Kosova Sot Online)