Feronikeli ‘74 bën përgatitje në Bullgari

Feronikeli ’74 nuk e ka nisur mirë sezonin e ri në Superligën e Kosovës në futboll, ku pas katër ndeshjeve nuk di për fitore.

Mirëpo, skuadra nga Drenasi po i vazhdon stërvitjet intensive për këtë edicion duke e marrë parasysh fillimin e dobët.

Drejtuesit e klubit kanë vendosur që tani stërvitjet t’i vazhdojnë në Bansko të Bullgarisë.

Lajmi është bërë i ditur përmes një postimi të klubit nga Drenasi në rrjetin social Facebook.

Skuadrat janë në pushim pas pushimit së kampionatit për arsye të ndeshjeve të kombëtares.

‘Nikli’ bën të ditur se ekipi do të qëndrojë tetë ditë në Bullgari, ku është akomoduar nga dita e martë.

Gjatë këtyre ditëve do ta zhvillojnë një ndeshje miqësore me skuadrën e CSKA Sofias.

Feronikeli ’74 ndeshjen e radhës në Superligë e luan ndaj Gjilanit. 

(Kosova Sot Online)