Federata e Futbolit e Rumanisë falënderon Kosovën

Tensionet ishin të mëdha në ndeshjen mes Kosovës dhe Rumanisë për shkak të fyerjes që huliganët rumunë vazhdojnë t’i bëjnë Kosovës.

Por qëndrim tjetër duket se ka federata rumune.

Rumania të premten mbrëma fitoi 3:0 në “Fadil Vokrri”, ndërsa rumunët u kujdesën që zhveshtoren ta lënë në gjendjen më të mirë. Këtë përmes një video e kanë paraqitur faqet e ekipit nacional të Rumanisë në rrjetet sociale.

Zhveshtorja është lënë ashtu si është gjetur para ndeshjes – në gjendje shumë të rregullt dhe plotësisht e pastruar.

“Rumania ishte këtu. Lamtumirë Prishtinë. Faleminderit për pritjen”, kanë shkruar rumunët.

(Kosova Sot Online)