Barcelona del me njoftim për lëndimin e Ter Stegen

Fitorja e Barcelonës në Villarreal me një rezultat spektakolar 1-5 u errësua plotësisht nga pamja e dhimbjes së Marc-André Ter Stegen-it, i shtrirë në fushë duke mbajtur gjurin e tij të djathtë.

Portieri gjerman, i cili sapo kishte përfunduar një pjesë të parë të shkëlqyer dhe ishte shlyer për gabimin e tij në Monako, u largua nga fusha me barrelë për të nisur ekzaminimet që do të konfirmonin seriozitetin e dëmtimit.

Pas ndeshjes, informacionet e para nuk ishin optimiste për gjermanin, i cili duket se ka dëmtuar tendinën e patelës në gjurin e djathtë, të njëjtin që i ka shkaktuar probleme gjatë sezoneve të fundit. Vetë Joan Laporta, i pyetur për dëmtimin, nuk ishte optimist në diagnozën e parë: “Një fitore e trishtuar. Duket se shkon në atë drejtim,” tha fjalë për fjalë presidenti i Barcelonës kur u pyet për problemet me tendinën e patelës të Ter Stegen-it.

“Marc ter Stegen ka një këputje të plotë të tendinës së patelës në gjurin e djathtë. Këtë pasdite do t’i nënshtrohet trajtimit kirurgjik. Pas ndërhyrjes do të jepet një përditësim i ri mjekësor”, ishte deklarata e stafit mjekësor të Barcelonës.

Sot, pas konfirmimit të testeve, FC Barcelona ka lëshuar një deklaratë që konfirmon këputjen e tendinës, megjithatë nuk është bërë e ditur koha e saktë e rikuperimit të kapitenit.

Megjithatë, pritet që gjermani, në varësi të përparimit të rikuperimit dhe ndjesive personale, të jetë jashtë fushave për të gjithë sezonin, duke bërë që kthimi i tij të mos pritet deri sezonin e ardhshëm.

(Kosova Sot Online)