Kulusevski e zbulon këshillën që i dha Ronaldo

Dejan Kulusevski ka zbuluar këshillat që mori nga Cristiano Ronaldo kur ishte te Juventusi, të cilat i kanë marrë katër vite për t’i kuptuar.

Kulusevski luajti krah për krah me Ronaldon te Zonja e Vjetër në sezonin 2020-21, përpara se ky i fundit të bënte rikthimin e bujshëm te Manchester United.

Suedezi iu bashkua gjigantëve italianë në moshën 20-vjeçare dhe u vu nën kujdesin e Ronaldos, i cili ishte në sezonin e tij të tretë te klubi.

Gjatë kohës së tyre në klub, Ronaldo i dha Kulusevskit shtatë fjalë këshilluese, të cilat mesfushori i mban mend edhe sot.

“Po filloj të njoh trupin tim,” tha Kulusevski. “Kur isha më i ri, nuk e kuptoja kur Ronaldo më thoshte: ‘Do ta njohësh trupin tënd’. Sepse atëherë nuk e njihja trupin tim.

“Por tani po filloj të kuptoj pikat e mia të forta dhe të dobëta, si mund të përmirësohem. Kështu që më duket sikur gjithçka po bëhet më e lehtë.

“E di si të stërvitem një ditë para një ndeshjeje, dy ditë para një ndeshjeje, çfarë të bëj kur jam i lodhur, dhe kështu me radhë. Të gjitha detajet e vogla që në fund bëjnë një diferencë të madhe.”

Tani në sezonin e tij të katërt te Tottenham, Kulusevski ka shkëlqyer në rolin e tij të ri nën drejtimin e Ange Postecoglou këtë sezon.

Postecoglou e ka zhvendosur 24-vjeçarin nga pozicioni i tij i zakonshëm në krahun e djathtë në një rol më qendror në mesfushë.

Performanca e Kulusevskit në fitoren 3-0 në fushën e Manchester United, ku ai shënoi, tregoi progresin dhe pjekurinë e tij nën drejtimin e trajnerit australian.

Dhe suksesi i fundit i suedezit mund të jetë pjesërisht falë të kuptuarit të ri që ai ka për këshillat që dikur i dha Ronaldo.

“Mos u kënaq me të qenët i mirë, por përpiqu të jesh më i miri çdo ditë,” shtoi ai. “Kjo është e vetmja gjë që ka rëndësi, sado e vështirë të jetë për t’u përpjekur të jesh më i miri.

(Kosova Sot Online)