Zhegrova: Në Rumani shkojmë për fitore

Edon Zhegrova e ka komentuar ndeshjen e mbrëmshme me Qipron, të cilën Kombëtarja e Kosovës e fitoi me rezultat të pastër, 3:0.

Për dallim nga ndeshja paraprake, ylli kosovar nuk ishte në nivelin e duhur, por për të më e rëndësishme është fitorja, derisa i përgëzoi bashkëlojtarët që shënuan gola.

“Besoj se e kemi bërë një ndeshje mjaft të mirë, të gjithë u angazhuan dhe e kemi pritur këtë fitore.”

“Tash duhet të mendojmë për ndeshjen e radhës, që është mjaft e rëndësishme, kundër Rumanisë. Besoj se i gjithë publiku ka qenë i lumtur, e po ashtu edhe ne.”

(Kosova Sot Online)