United bëri edhe një video montazh, vetëm që ta bind de Jong t’i bashkohej atyre
Man Utd shkoi aq larg sa krijoi video montazh për të bindur Frenkie de Jong që të nënshkruante me Erik ten Hag – por ylli i Barcelonës nuk e pa kurrë atë dhe si rrjedhojë nuk kaloi në United
Manchester United u përpoq shumë për të nënshkruar me Frenkie de Jong në vitin 2022 dhe krijoi një video montazh për ta bindur që të transferohej, por ylli i Barcelonës nuk e pa kurrë atë.
Shkarkimi i Erik ten Hag nga Manchester United këtë javë ka zbuluar detaje nga dy vitet e tij në klub, përfshirë përpjekjet për të nënshkruar me De Jong kur ai mbërriti në vitin 2022. De Jong ishte objektivi kryesor i Ten Hag për mesfushën dhe United kaloi shumicën e verës duke u përpjekur ta bindte yllin e Barcelonës që të transferohej, madje duke krijuar një video montazh të holandezit përkrah disa prej legjendave të klubit si përpjekje për ta bindur, por sipas The Athletic, lojtari nuk e pa kurrë atë.
Me United që nuk luante në Champions League gjatë sezonit të parë të Ten Hag dhe me Barcelonën që ende i detyrohej De Jong pagat e shtyra nga kontrata e tij, De Jong kishte ngurruar të transferohej në Old Trafford dhe transferimi nuk u realizua. United përfundoi duke shpenzuar për Casemiro, por braziliani nuk arriti të sjellë kreativitetin në mesfushë që Ten Hag shpresonte ta merrte me nënshkrimin e De Jong.
Pavarësisht se De Jong nuk e pa videon dhe nuk u bind për transferim, gjigantët e Premier League kanë vazhduar ta kenë në shënjestër mesfushorin e Barcelonës që nga qasja e tyre fillestare dhe mund të tentojnë sërish në janar, ndërkohë që holandezi ende nuk ka rinovuar kontratën me katalanasit.
Edhe pse Man Utd vazhdon të ketë interes për De Jong, futbollisti ishte një objektiv i Ten Hag, dhe shkarkimi i trajnerit holandez këtë javë mund të mbyllë spekulimet që ai mund të kërkohet përsëri nga Djajtë e Kuq.
United janë në bisedime për të emëruar Ruben Amorim si pasues të Ten Hag, megjithëse një njoftim zyrtar për të ardhmen e trajnerit të Sporting CP mund të vonohet për disa javë. Ndërkohë, De Jong po përqendrohet në rikuperimin e tij fizik pas rikthimit nga një dëmtim afatgjatë këtë muaj.
(Kosova Sot Online)
