Liverpool mund ta transferojë Tchouamenin

Pasi e ka vëzhguar për një kohë të gjatë, Liverpool-i mund të realizojë më në fund transferimin e Aurelien Tchouameni nga Real Madridi, ndërsa Los Blancos kanë në shënjestër fituesin e Topit të Artë, Rodri.

Me trajnerin e Liverpool-it, Arne Slot, që synon përforcime në mesfushë, dy dritaret e ardhshme të transferimeve priten të jenë veçanërisht aktive për klubin. Sipas raportimeve të fundit nga Sacha Tavolieri, Liverpool-i ka kontaktuar me përfaqësuesit e Tchouameni-t për një transferim të mundshëm.

Interesi i Real Madridit për mesfushorin defansiv të Manchester City-t, Rodri, mund të luajë një rol të rëndësishëm në të ardhmen e Tchouameni-t. Për të akomoduar një transferim të profilit të lartë si Rodri, gjigantët spanjollë duken të hapur për t’u ndarë me Tchouameni-n, me raportime që sugjerojnë se mund të jenë të gatshëm ta shesin mesfushorin francez për një tarifë të mundshme prej rreth 60 milionë euro (52 milionë £).

Los Blancos po monitorojnë gjithashtu Enzo Fernandez-in e Chelsea-t nëse nuk arrijnë të transferojnë Rodri-n.

Stafi drejtues i Liverpool-it e konsideron Tchouameni-n një përshtatje premtuese për qasjen e tyre taktike. I njohur për fuqinë e tij fizike dhe rimarrjet e topit në mesfushën qendrore, Tchouameni përputhet mirë me profilin që kërkojnë të Kuqtë.

Francezi ka pasur vështirësi të realizojë potencialin e tij te Madridi, megjithatë ai mbetet një pjesë e rëndësishme e planeve të Carlo Ancelotti-t, i cili e ka përdorur edhe si mbrojtës qendror për të ndihmuar shkaku i lëndimeve të shpeshta në mbrojtje.

Në afatin e shkurtër, Tchouameni mbetet i fokusuar te Real Madridi dhe pritet të jetë në fushë kundër Osasuna-s në një ndeshje të La Ligës të shtunën.

(Kosova Sot Online)