Broja mund të drejtohet nga Mourinho

Sean Dyche nuk është më trajner i Evertonit. Në një komunikatë, klubi "toffees" njoftoi shkarkimin e trajnerit dhe bëri të ditur se ish-kapiteni dhe trajneri i ekipit U-18, Leighton Baines, si dhe kapiteni aktual i ekipit, Seamus Coleman, do të marrin përkohësisht drejtimin e ekipit të parë, duke filluar që në ndeshjen e së enjtes kundër Peterborough, për FA Cup.

Dyche ishte pjesë e klubit që nga shkurti i vitit 2023 dhe drejtoi 84 ndeshje si trajner i ekipit nga Liverpooli. Gjatë kësaj periudhe, ai regjistroi 26 fitore, 26 barazime dhe 32 humbje.

Në këtë sezon, Evertoni ka arritur vetëm katër fitore në 21 ndeshje. Dyche lë klubin në vendin e 16-të të Premier League, vetëm një pikë mbi zonën e rënies nga kategoria.

Paulo Fonseca, José Mourinho dhe David Moyes janë disa nga emrat që po përmenden për të marrë drejtimin e ekipit historik anglez.

 (Kosova Sot Online)