Kvaratskhelia nënshkruan me PSG-në

Napoli ka përfunduar zyrtarisht shitjen e Khvicha Kvaratskhelia-s te Paris Saint-Germain për një shumë prej më shumë se 70 milionë euro.

Kvaratskhelia kaloi kontrollin mjekësor dhe nënshkroi një kontratë katër vjeçare e gjysmë deri në qershor 2029, e cila thuhet se vlen 9 milionë euro për sezon plus bonuse performancash.

Ky është një hap i madh përpara për pagën e lojtarit, i cili ende ishte me pagën prej 1.5 milionë euro që kur u bashkua me Napolin si një lojtar relativisht i panjohur nga Dinamo Batumi në korrik 2022.

Kvaratskhelia fitoi Scudetto-n, duke shënuar 30 gola në 107 paraqitje për klubin, së bashku me 29 asiste.

Ai publikoi një mesazh video të gjatë mbrëmjen e kaluar në kanalet e tij të mediave sociale, duke konfirmuar transferimin dhe duke thënë lamtumirë tifozëve të Napolit.

Duke marrë parasysh se u ble për vetëm 13.3 milionë euro, kjo shitje e bën atë fitimin më të madh në historinë e klubit.

Shuma e raportuar është 70 milionë euro plus bonuse.

(Kosova Sot Online)