Juventusi po punon në huazimin e mbrojtësit te Newcastle

Juventusi po vazhdon të eksplorojë një marrëveshje të mundshme me Newcastle United për mbrojtësin Lloyd Kelly, të cilin Bianconerët dëshirojnë ta transferojnë me huazim dhe një opsion të mundshëm blerjeje, sipas raporteve të së hënës.

Raportet e së dielës pretendonin se Juventusi është i interesuar për nënshkrimin e mbrojtësit të gjithanshëm, pasi Cristiano Giuntoli kërkon t’i sigurojë Thiago Motta-s një tjetër përforcim në mbrojtje në merkaton e janarit.

Bianconerët tashmë kanë nënshkruar me Alberto Costa nga Vitoria Guimaraes në këtë dritare transferimesh, por po kërkojnë të shtojnë një tjetër mbrojtës pas dëmtimeve afatgjata që pësuan Bremer dhe Juan Cabal më herët gjatë sezonit.

Ndërsa raportet gjatë fundjavës sugjeruan se Juventusi kishte përgatitur një ofertë prej rreth 12 milionë eurosh për të nënshkruar me Kelly-n në janar, raportet e së hënës tregojnë se Bianconerët po konsiderojnë një marrëveshje fillestare huazimi.

Sipas përditësimeve nga Gianluca Di Marzio, Juventusi po shqyrton mundësinë për të sjellë Kelly-n në Torino me huazim dhe me një detyrim blerjeje të lidhur me kushte të ndryshme sportive. 

(Kosova Sot Online)